ಕಾನಿಂ ಘಾಲೆಂ ತೇಲ್ ಮ್ಹಣೊನ್ ಕಪೊಲಿಂ ಕಾಡ್ಲೊ ಖುರಿಸ್
ವಯ್ಕುಂಟಿಚೊ ಜೆಜು ಕ್ರೀಸ್ತ್ ಹೊಕ್ಲೆಕ್ ಬೆಸಾಂವ್ ದೀಂವ್
ಜಾಪ್ : ವೊವೇ ಖುರಿಸ್ | ವಯ್ಕುಂಟಿಚೊ ಜೆಜು ಕ್ರೀಸ್ತ್ ಹೊಕ್ಲೆಕ್ ಬೆಸಾಂವ್ ದೀಂವ್
ಅಪ್ರೊಸ್ಚ್ ಕಾಡ್ನ್ ದವರಿಲಾ ಬಾಂಕಾ
ಪಯ್ಲೊ ಮಾನ್ ತುಕಾ ಸರ್ಗಿಂಚ್ಯಾ ದೆವಾ ಬಾಪಾ
ಜಾಪ್ : ವೊವೇ ಬಾಂಕಾ | ಪಯ್ಲೊ ಮಾನ್ ತುಕಾ ಸರ್ಗಿಂಚ್ಯಾ ದೆವಾ ಬಾಪಾ
ಕಾನಿ ತಾಳ್ವೆಕ್ ತೇಲ್ ಘಾಲ್ನ್ ಜೆಜುಕ್ ಮಾರ್ಲೊ ಉಲೊ
ಮಾಯ್ಪಾಸಾಚೊ ಚಲೊ, ಆಮ್ಚೊ ಹೊರೆತ್ ಬಾಬ್
ಜಾಪ್: ವೊವೇ ಉಲೊ | ಮಾಯ್ಪಾಸಾಚೊ ಚಲೊ, ಆಮ್ಚೊ ಹೊರೆತ್ ಬಾಬ್
ರೋಸ್ಚ್ ಕಾಡ್ಲಾ ದೆಡಾ ಕಾಂಡಿಯೆಚೊ
ಉಬೆ ರಾವೊನ್ ಚೊಯ್ತಾ ಪೂತ್ ಮರಿಯೆಚೊ
ಜಾಪ್: ವೊವೇ ಕಾಂಡಿಯೆಚೊ | ಉಬೆ ರಾವೊನ್ ಚೊಯ್ತಾ ಪೂತ್ ಮರಿಯೆಚೊ
ಆಡ್ಸಾರ್ ನಾರ್ಲ್, ತೆಮೆಟಿರ್ ಕಾರ್ವೊ
ಪವಿತ್ರ್ ಅತ್ಮೊ ಪಾರ್ವೊ ಹೊಕ್ಲೆಚ್ಯಾ ಭುಜಾಂಚೆರ್
ಜಾಪ್: ವೊವೇ ಕಾರ್ವೊ | ಪವಿತ್ರ್ ಅತ್ಮೊ ಪಾರ್ವೊ ಹೊಕ್ಲೆಚ್ಯಾ ಭುಜಾಂಚೆರ್
ಆಪ್ರೊಸ್ಚ್ ಕಾಡ್ಲಾ ಕೊಣಾಕ್ ಸಾಂಗೊನ್
ರಜಾ ಮಾಗೊನ್ ಸಾಂತಾ ಖುರ್ಸಾಚಿ
ಜಾಪ್: ವೊವೇ ಸಾಂಗೊನ್ | ರಜಾ ಮಾಗೊನ್ ಸಾಂತಾ ಖುರ್ಸಾಚಿ
ಜೆರುಜಲ್ಯಾ ಶ್ಹೆರಾ ಕರಡ್ಗೀ ತಣ್
ಮರ್ಯೆನ್ ದಾಡ್ಲಾಂ ಮೆಣ್ ಮಾಟ್ವಾ ಉಜ್ವಾಡಾಕ್
ಜಾಪ್: ವೊವೇ ತಣ್ | ಮರ್ಯೆನ್ ದಾಡ್ಲಾಂ ಮೆಣ್ ಮಾಟ್ವಾ ಉಜ್ವಾಡಾಕ್
ಕಾನಿ ತಾಳ್ವೆ ತೇಲ್ ಘಾಲ್ನ್ ಬಸಯಿಲಾ ಬಾಂಕಾ
ಪಯ್ಲೊ ಮಾನ್ ತುಕಾ ಸರ್ಗಿಂಚ್ಯಾ ದೆವಾ ಬಾಪಾ
ಜಾಪ್: ವೊವೇ ಬಾಂಕಾ | ಪಯ್ಲೊ ಮಾನ್ ತುಕಾ ಸರ್ಗಿಂಚ್ಯಾ ದೆವಾ ಬಾಪಾ
ಹ್ಯಾ ಘರ್ಚೊ ಯೆಜ್ಮಾನಿ ಖಂಯಿಗಾ ಗೆಲಾ
ಸಾಂ. ಜುಜೆ ಭಕ್ತಾಕ್ ಆಪವ್ನ್ ಹಾಡುಂಕ್ ಗೆಲಾ
ಜಾಪ್: ವೊವೇ ಗೆಲಾ | ಸಾಂ. ಜುಜೆ ಭಕ್ತಾಕ್ ಆಪವ್ನ್ ಹಾಡುಂಕ್ ಗೆಲಾ
ಹ್ಯಾವೀ ಮಾಟ್ವಾಂತ್ ಕೋಯ್ರ್ ಬೊವ್ ಜಾಲೊ
ಫುಲಾಂ ಶಿಂಪಿತ್ತ್ ಆಯ್ಲೊ ಜೆಜು ಬಾಳ್
ಜಾಪ್: ವೊವೇ ಜಾಲೊ | ಫುಲಾಂ ಶಿಂಪಿತ್ತ್ ಆಯ್ಲೊ ಜೆಜು ಬಾಳ್
ಕೊಸೆಸ್ ಮಾಂಯ್ ಸಯ್ರಿ ಆನಿ ರುಜಾರ್ ಮಾಂಯ್ ಘರ್ಚಿ
ತಿಣೆ ಕುರ್ಪಾ ದಿಂವ್ಚಿ ಆಮ್ಚ್ಯಾ ಹೊರೆತಾಕ್
ಜಾಪ್: ವೊವೇ ಘರ್ಚಿ | ತಿಣೆ ಕುರ್ಪಾ ದಿಂವ್ಚಿ ಆಮ್ಚ್ಯಾ ಹೊರೆತಾಕ್
ಬಾರಾ ಪುರ್ಸಾಂ ಬಾಂಯ್ಕ್ ತೆರಾ ಪುರ್ಸಾಂ ರಾಜು
ಖುರ್ಸಾ ಸಯ್ತ್ ಜೆಜು ರೊಸಾಕ್ ಬೆಸಾಂವ್ ದೀತ್
ಜಾಪ್: ವೊವೇ ರಾಜು | ಖುರ್ಸಾ ಸಯ್ತ್ ಜೆಜು ರೊಸಾಕ್ ಬೆಸಾಂವ್ ದೀತ್
